ل رۆژا 22/8/2021 سەرۆكێ زانكۆیا دهۆك، رێزدار د. داود سلێمان ئەتروشی، پێشوازی ل سەرۆكێ زانكۆیا ئەمریكی ل كوردستانێ (Dr. Randall Rhodes) و هاریكارێ سەرۆكێ زانكۆیێ د. نزار محمد سلیم كر.
د ڤێ سەرەدانێ دا سەرۆكێ زانكۆیا ئەمریكی پیرۆزباهی ل سەرۆكێ زانكۆیێ كر ب هەلكەفتا دەستبكاربوونێ و كەنگەشە ل سەر هەڤكاریا دناڤبەرا هەر دوو زانكۆیان دا هاتە كرن. لێكگوهارتنا مامۆستا و شارەزایێن زانستی و ب دەستڤەئینانا پرۆژێن ئەكادمی ل ئەمریكا و وەلاتێن ئێكەتیا ئەورۆپی بۆ هەر دوو زانكۆیان ژ خالێن سەرەكیێن ڤێ گفتوگۆیێ بوو.
سەرۆكێ زانكۆیا دهۆك رونكرنەك دا سەر رۆلێ زانكۆیێ و پێدڤیا هەڤكاریا هەڤبەش دگەل دام و دەزگەهێن پارێزگەها دهۆكێ. هەروەسا بەرهەڤیا خۆ دیاركر بۆ هەڤكاریێ و دەلیڤا ئیمزاكرنا رێككەفتنا لێكتێگەهشتنێ دگەل زانكۆیا ئەمریكی ل كوردستانێ.