رێڤەبەریا پشكێن ناڤخویی ل زانكۆیا دهۆك هەلسەنگاندنا دووماهیێ‌ دكەت
يونيو 25, 2021, 12:59 ص

ل رێكەفتی 23/6/2021 ل هولا خانی ل سەروكاتیا زانكۆیا دهۆك ستافێ‌ رێڤەبەریا پشكێن ناڤخویی یێن زانكۆیا دهۆك كۆمبوونەك ئەنجام دا.
مەردان ئەحمەد جەرجیس رێڤەبەرێ‌ پشكێن ناڤخویێ‌ یێن زانكۆیا دهۆك گۆت" سالانە ل دەستپێكا سالا خاندنێ‌ و دووماهیا سالا خاندنێ‌ كۆمبوونێن بەرفرەه یێن سەرجەم ستافێ‌ رێڤەبەریا پشكێن ناڤخویی دهێنە ئەنجام دان ژ بۆ دانانا میكانزمێ‌ كار كرنێ‌ و دابەشكرنا پشكێن ناڤخویی هەروەسا كارێ‌ گەردەن ئازاكرنا قوتابیێن.
رێڤەبەرێ‌ پشكێن ناڤخویی گۆت ژی" دڤێ‌ كۆمبوونێ‌ دا مە بەحس وێ‌ ئێكێ‌ كر كو چ قوتابی نەهێنە گەردەن ئازاكرن هەتا دویفچوون ل سەر هەمی وان كەل و پەلان بهێنە كرن ئەوێن قوتابیان وەرگرتین، ئەگەر هەر كێماسیەك كەفتبیتە وان كەل و پەلان یان ژكار كەفتبن قوتابی ب كوژمەكێ‌ پارەی بهێتە سزادان و ئەو تشتێ‌ وی ژناڤبری ب وی كوژمەی بهێتە سەخبێری كرن دا سالا دیڤدا قوتابیەكێ‌ دی مفای ژێ‌ ببینیت، دیسا هوبا سەخبێریێ‌ هاتە ئاگەهداركرن كو دیف چوونا هەمی پشكێن ناڤخویی بكەت هەر ژ نوكە چ كێماسی نەبن بۆ سالا نوی یا خاندنێ‌.