قوتابیێن زانکۆیا دهۆک ب هەلکەڤتا رۆژا جیهانیا زانستی بەرهەمێن خۆ نیشاندان
Nov. 12, 2022, 7:10 p.m.

قوتابیێن قۆناغا چوارێ یێن كولیژا پەروەردا بنیات ل زانکۆیا دهۆک، ب هەلكەڤتا رۆژا جیهانیا زانستی بۆ ئاشتیێ و پێشڤەچوونێ، و د پێشانگەهەكا زانستی دا، شیان و زانین و بەرهەمێن خۆ یێن زانستی نیشاندان.

د. سیزار عابد محەمەد سەرۆكێ‌ پشكا زانست دیارکر "ل رۆژا جیهانیا زانستی بۆ ئاشتیێ و پێشڤەچوونێ، مە ب فەر زانی ب ڤێ هەلکەڤتێ، ب پێشانگەهەكا زانستی بۆ قوتابیێن قۆناغا چوارێ،‌ پشكداریێ‌ تێدا بكەین و وێ زانین و شیانێن قوتابیێن مە د ڤان چوار سالێن خواندنێ‌ دا فێربووین نیشانی قوتابی و مامۆستا و ئامادەبوویان بدەین. کو ناڤەرۆکا ڤێ پێشانگەهێ گرێدای کۆمەکا بوارێن زانستی بوون، وەکو‌ كێمیا،‌ بایۆلۆژی و فێزیکێ".

سەرۆکێ پشکا زانست ئەو ژی دیارکر "قوتابیان بیست ئەزموون هەبوون، هەر بیست ئەزموون ژی د پێشانگەهێ‌ دا نیشاندان و دا کو ناڤەرۆکا وان تشتەکێ باش و جودا و جوان بوو، کو ب كریار و ئەزموون بۆ خەلكەكی و مامۆستا و قوتابیێن دی هاتە نیشاندان".

قوتابیەکا پشکدار د ڤێ پێشانگەهێ دا ب ناڤێ فاتما سەدیق شەمسەددین دا دیاركرن کو "ڤەكرنا ڤان جۆرە پێشانگەهان گەلەكا گرنكە و حەزا قوتابی پتر ل خواندنێ‌ پتر دکەت، من وەك قوتابیەكا پشکدار‌ ب فەر دیت وێ زانین و شیانێن مە د ڤان چوار سالێن خواندنێ دا وەرگرتین ب كریار نیشا هەمی ئامادەبوویان بدەین، دبیت هندەک قوتابیان وەکو پێدڤی حەز ل سەر زانستی و زانینێ نەبیت، لێ وی دەما ڤان ئەزموونان دبینیت، بۆ دیار دبیت زانست تشتەكێ‌ مەزنە د ژیانا مە یا رۆژانە دا و حەزەك بۆ چێدبیت کو بەرەڤ رێکا زانستی و زانینێ بچیت. مە ئەزموونەكا بچویك نیشاندا ب رێكا زاهیێ‌ و غازێ‌ بۆ هەمیا، بۆ وان تشتەكێ‌ سەرسۆرمان بوو، بەلكی حەزا گەلەكا‌ ژبەر كارێ‌ مە ل ڤێ پشکێ خواندنا خۆ ببەنە سەر".

ناڤبری زێدەتر گۆت "ئەز وەك قوتابی ل دویڤ تشتی چووم، ئەگەر ئەز سوباهی دەرچووم، دێ من باوەری ب خۆ هەبیت بچمە د كارەكی دا و ل جهەكی كار بكەم، كەسەك پرسیارەكێ‌ ژمن بكەت پێدڤی نابم و دێ من بەرسڤ هەبیت، ژبەركو من زانین و وەرگرتیە د ڤێ‌ خواندنێ دا و د ڤێ پیشانگەهێ‌ دا، مە سێ‌ ئەزموون نیشادان، فیزیك وبایۆلۆژی وكێمیا".

هەژی گۆتنێ‌ یە هەر سال ل 10/11، رۆژا جیهانیا زانستی ل جیهانێ‌ دهێتە ساخكرن، بۆ ئێكەم جار ل نیۆیۆك ل ویلایەتێن ئێكگرتی یێن ئەمریكا ل سالا 2008 ئەڤ رۆژە هاتبوو ساخكرن.