هاریكارێ سەرۆكێ زانكۆیا دهۆك بۆ كاروبارێن زانستی و خاندنا بلند د. لقمان هادی حسن ل رۆژا 18/3/2021 دگەل رێڤەبەر و نوینەرێن سەنتەرێن زانكۆیا دهۆك ب بەرهەڤبوونا رێڤەبەرێ ویبسایتی و نوینەرێ دلنیایی جۆری بەحسێ چاوانیا ئەكتیف كرن و دكیۆمێنت كرنا چالاكیان كر.
د. لقمان هادی حسن دیاركر كو ویبسایتی بۆ زانكۆیێ گرنگیا خۆ یا هەی بۆ گەلەك بابەتان ب تایبەت ل بیاڤێ رێزبەندیان ئەڤجا چ رێزبەندیا نشتیمانی بیت یان رێزبەندیێن نێڤدەولەتی، گۆت ژی ئەو چالاكیا ل ویبسایتی نەهێتە بەلاڤ كرن بۆ بابەتێ رێزبەندیێ ناهێتە هژمارتن، چونكو زانكۆیا دهۆك ل بەرە ل رێزبەندیەكا بریتانی یا نێڤدەولەتی یا زانكۆیان پشكداریێ بكەت لەورا هەر كارێ بهێتە كرن ب خال دهێتە هژمارتن.
هاریكارێ سەرۆكێ زانكۆیا دهۆك بۆ كاروبارێن زانستی و خاندنا بلند ئاماژە دا وێ چەندێ ژی كو دڤێت هەماهەنگی ل ناڤبەرا سەنتەرێن زانكۆیا دهۆك دا هەبیت و ل ئەنجامدانا كاران ژی ئاگەه ژێك هەبیت، كو ل هندەك سەنتەران چالاكی دهێنە كرن و ئەو چالاكی بەرزە دبن چونكو ناهێنە دكیۆمێنت كرن لەورا دڤێت ئەڤ چەندە پتر بهێتە رێكخستن و هەر چالاكیەكا دهێتە ئەنجام دان بهێتە دكیۆمێنت كرن و راگەهاندن و وێبسایت ژی ل دۆر بهێنە ئاگەهدار كرن.
ژ لایێ خۆڤە رێڤەبەرێ ویبسایتێ زانكۆیێ ئازاد عادل بەحسێ چاوانیا دانانا داتا و ئابدەیتا وان ل لینكێن سەنتەران ل ویبسایتێ زانكۆیێ كر و گۆت دڤێت پتر پویتە بهێتە دان كو رۆمالا چالاكیێ ب هەرسێ زامانێن كوردی و ئنگلیزی و عەرەبی بهێنە داخل كرن و بەرهەڤیا خۆژی بۆ هەر هاریكاریەكا پێدڤی بۆ سەنتەران دیاركر.
ل دووماهیا كۆمبوونێ ژی دەرگەهێ دانوستاندنێ هاتە ڤەكرن و بیاڤ هاتە دان كو هەر سەنتەرەك بۆچوونا خۆ ل دۆر ڤی بابەتی دیار بكەت بۆ چاوانیا پتر پێشخستنا كاری.