UoD president honored Architecture student
Dec. 26, 2018, 4:49 p.m.

ل رۆژا 24/12/2018 هەرسێ‌ سەركەفتیێن ئێكێ‌ و دووێ‌ و سیێ‌ سەر پشكا تەلارسازی ل كۆلیژا ئەندازیاری ل زانكۆیا دهۆك بۆ سالا خواندنێ‌ 2017-2018 ژلایێ‌ ئەندازیار بهار شەمدین ئاغا ڤە هاتنە خەلات كرن.
د رێورەسمەكی دا ب ئامادەبوونا سەرۆكێ‌ زانكۆیا دهۆك پ. د. مصلح دهۆكی و راگرێ‌ كۆلیژا ئەندازیاری د. جەوهەر محەمەد رەشید هەرسێ‌ سەركەفتی یێ‌ ئێكێ‌ عامر عەبدولمەناف و یێ‌ دووێ‌ لاوین هاشم و سەركەفتیا سیێ‌ سیڤان سەباح دەرچوویێن گەرا 23 یێن زانكۆیا دهۆك هاتنە خەلات كرن، وەكو پشتەڤانی و هاندان بۆ ڤان سەركەفتیان كو ئەڤ جۆرە پشتەڤانیە بۆ قوتابیان هەر د بەردەوام بن.
ژ لایێ‌ خۆڤە سەرۆكێ‌ زانكۆیا دهۆك سوپاسیا هەلویستێ‌ ئەندازیار بهار شەمدین ئاغا كر كو پشتەڤانا قوتابیانە داكو بشێن پلێن بلند ب دەست خۆڤە بینن و دەستخۆشی ژی ل ڤان دەرچوویان كر كو خۆ ماندوی كری هەتا شیاین ببنە سەركەفتیێن ئێكێ‌ ل سەر پشكا خۆ ل كۆلیژا ئەندازیاری.
ئەندازیار بهار شەمدین ئاغا وەلاتیا هەرێما كوردستانێ‌ یە و نوكە ل وەلاتێ‌ كەنەدا دژیت و ب رێكا پارێزەرێ‌ خۆ ل هەرێما كوردستانێ‌ و هەروەسا ب رێكا سەرۆكێ‌ زانكۆیێ‌ شیا ڤان قوتابیان خەلات بكەت و هاندانا وان بكەت و بریار دایە ئەڤ جۆرە هاندانە د بەردەوام بن.