شاندەكێ سەرۆكاتیا زانكۆیا دهۆك ب سەرۆكاتیا (پ.د. مصلح محەمەدسەعید دهۆكی) سەرۆكێ زانكۆیا دهۆك و هەر سێ هاریكارێن سەرۆكێ زانكۆیێ، (د. حجی موسا) ه. سەرۆكێ زانكۆیێ بۆ كارۆبارێن كارگێری و دارایی، (د. سەباح وەیسی) ه. سەرۆكێ زانكۆیێ بۆ كارۆبارێن زانستی، (د. مێڤان عارف بادی) ه. سەرۆكێ زانكۆیێ بۆ كارۆبارێن قۆتابیان، دگەلدا راگرێن كولێژێن سەر ب زانكۆیا دهۆك ڤە، سەردانا میحوەرێ رۆژهەلاتێ دیجلە كرن و ژلایێ بەرپرسێ میحوەری (عەبدالخالق بابیری) و (سەربەست بابیری) ڤە هاتنە پێشوازیكرن.
بەرپرسێ میحوەری (عەبدالخالق بابیری) رونكرنەك دا لسەر چەوانیا دروستكرنا میحوەرێ رۆژهەلاتێ دیجلە و چەوان شیان بەرامبەر حەشدا شەعبی راوستن و گۆت:" پێش ماوەكی حەشدا شەعبی هێزەكا مەزن كومڤەكر بوو و هەولدان ب جەكێ گران (تانك و هەمەران) بەرەڤ چەپەرێن پێشمەرگەیی ڤە بهێن، بەلێ پێشمەرگەیی هەموو بەرهەڤی بۆ روبەربوونا وان دروستكر بوون و ب توندی بەرسڤا داگیركەران دا و نەهێلان پێشڤە بهێن".
(عەبدالخالق بابیری)، خویاكر:" مەرەما حەشدا شەعبی تێكدانا بارودۆخێ هەرێما كوردستانێ یە، بگرە ژ داگیركرنا (دهۆك و هەولێر) ژی تا دەروازەیا ئیبراهیم خەلیل و ب پێشتەڤانیا هندەك هێزێن كوردی، جونكی وان چاڤ ب دەستكەفتێن هەرێما كوردستانێ نەرابووینە".
(پ.د. مصلح دهۆكی)، سەرۆكێ زانكۆیا دهۆك گۆت:" هەر دەم پێشتەڤان و هاریكارێن پێشمەرگەینە ب هەمی شیان و هێزڤە، هەر دەستكەفتەكا مللەتێ كورد هەیی بو خوراگری و بەرخودانیا پێشمەرگەیی ڤەدگەریت، ئەم شایستێ رۆلێ وان یێ ژ هەژی رێزگرتنێ دكەین و چ جارا خوینا شەهیدێن كوردستانێ نائێتە ژبیركرن".
راگەهاندنا زانكۆیا دهۆك: هەلز عەلی سەلیم