سەرۆکێ زانکۆیا دهۆک دگەل قونسلێ ئەمریکی ل هەولێرێ کۆمبوو

ل رۆژا 2020/9/10 سەرۆکێ زانکۆیا دهۆک پروفیسور د. مصلح دهۆکی ب شێوێ ئونلاین دگەل رۆب واڵەر قونسلێ گشتی یێ ویلایەتێن ئێکگرتی یێن ئەمریکی ل هەولێرێ کۆمبوو.
دڤێ کۆمبوونێ دا دانوستاندن هاتنە کرن ل دۆر چاوانیا پتر هاریکاری کرنا زانکۆیا دهۆک ژلایێ زانستی ڤە، سەرۆکێ زانکۆیێ ژلایێ خوڤە بەحسێ وان پرۆژا کر ئەوێن ژلایێ زانکۆیێ ڤە دهێنە ئەنجامدان بتایبەت وان پرۆژێن دگەل زانکۆیێن ئەمریکی دهێنە برێڤەبرن وەکو زانکۆیا نیویورک و هاوایی وئەرکانساس یوئێس ئێد و هەمی ئەو رێکخراوێن پشتەڤانیا زانکۆیا دهۆک کرین، قونسلخانێ داخاز ژ زانکۆیا دهۆک کر کا دڤی دەمی دا پێدڤی ب چ هەیە، سەرۆکێ زانکۆیا دهۆک داخاز ژێ کر کو مامۆستایێن زانکۆیێن ناڤدار سمینارا بدەنە مامۆستا و قوتابێن مە و هەروەسا ئەگەر رەوشا تەندروستی باشتر لێ هات مامۆستا ژ وێرێ بهێن وانا بێژن وڤەکۆلینا دگەل مامۆستایێن مە چێکەن.
سەرۆکێ زانکۆیا دهۆک هەروەسا داخاز ژێ کر بۆ سەنتەرێ ئەمەریکا کورنار پەرتوک و ژێدەرێن نوی بۆ دابین بکەن، قونسلی ژی هەڤکاریا خۆ دەربری بۆ ڤێ چەندێ، وئاشکرا ژی کر هەردەمێ رەوش باشتر لێهات دێ سەرەدانا زانکۆیا دهۆک کەت.
ئەڤ کۆمبوونا ئونلاین ل سەر داخازا قونسلخانا ئەمریکی بوو ل هەولێرێ.