رێڤەبەریا راگەهاندنا زانكۆیا دهۆك ل رۆژا 30/1/2018 كۆمبوونەك ل گەل راگەهاندنكارێن هەمی كۆلیژ و سەنتەرێن زانكۆیا دهۆك ل سەەنتەرێ رەوشەنبیری و جڤاكی یێ زانكۆیا دهۆك گرێدا.
د ڤێ كۆمبوونێ دا كو هاریكارێ سەرۆكێ زانكۆیا دهۆك بۆ كاروبارێن كارگێری و دارایی د. حەجی موسا تێدا یێ بەرهەڤ بوو ل دەستپێكێ پرێزنتێشنەك ل دۆر كارێ رێڤەبەریا راگەهاندنێ و هەروەسا كار و ئەركێ راگەهاندنا كۆلیژ و سەنتەران هاتە پێشكێش كرن، ژلایێ خۆڤە ژی د. حەجی موسا د پەیڤەكی دا بەحسێ رۆلێ راگەهاندنێ كر ل دیاركرنا كار و چالاكیێن ل زانكۆیێ دهێنە ئەنجامدان.
ئەڤ روینشتنە بۆ پتر هەماهەنگیێ بۆ د ناڤبەرا رێڤەبەریا راگەهاندنێ و راگەهاندنا كۆلیژ و سەنتەرێن زانكۆیێ و د دانوستاندنەكا ڤەكری دا راگەهاندنكاران گازندە و ئاریشێن خۆ گەهاندنە هاریكارێ سەرۆكێ زانكۆیا دهۆك بۆ كاروبارێن كارگێری و دارایی د. حەجی موسا و هەروەسا بێوار موسا رێڤەبەرێ راگەهاندنێ و ب هویری ل سەر كێماسیێن راگەهاندنێ راوەستیان و د. حەجی دیاركر كو یا دشیان دابیت بۆ راگەهاندنا زانكۆیێ دێ هێتە كرن داكو بشێن ئەركێ خۆ بێی كێماسی ئەنجام بدەن، رێڤەبەرێ راگەهاندنا زانكۆیێ ژی سوپاسیا دكتۆری كر بۆ خەمخۆریا وی و دویفچوونا وی ل كارێ راگەهاندنێ و دیاركر كو ب پشتەڤانیا وان دێ شێن كارێن باشتر و بەرهەمدارتر ل زانكۆیێ ئەنجام دەن.