ل رۆژا 9/7/2018 سەرۆكێ زانكۆیا دهۆك پرۆفیسۆر د. مصلح دهۆكی خەلاتێ رێزگرتنێ دا د. عبدالحمید عبداللە یاسین ئەوێ بەری نوكە ژ لایێ وەزارەتا خاندنا بلند و ڤەكۆلینێن زانستی ڤە ژی هاتیە خەلات كرن، پشتی پرۆژێ وی بوویە یێ ئێكێ ل سەر ئاستێ كۆلیژێن ئەندازیاری ل هەرێما كوردستانێ.
د. عبدالحمید عبداللە یاسین د بەرنامێ گرانتێ نشتیمانی دا بۆ ڤەكۆلینێن زانستی ئەوێ ژلایێ وەزارەتا خاندنا بلند و ڤەكۆلینێن زانستی ڤە ل هەرێما كوردستانێ هاتیە راگەهاندن، پرۆژێ وی ل سەر یێن كۆلیژێن ئەندازیاری ل كوردستانێ یێ ئێكێ دەرچوو، كو 80 پرۆژە ژ هەمی زانكۆیێن كوردستانێ هاتبوونە پێشكێش كرن و بتنێ حەفت پرۆژە هاتنە ژێگرتن و وەزارەتێ پالپشتیا وان كر كو ڤان پرۆژێن خۆ بجه بینن.
پرۆژێ د. عبدالحمید عبداللە یاسین كو مامۆستایە ل كۆلیژا ئەندازیاری ل زانكۆیا دهۆك پشكا شارستانی پرۆژێ وی ل دۆر بیڤەلەرزا بوو ل كوردستانێ و كا چاوا دێ ئاڤاهی ژ بیڤەلەرزا هێنە پاراستن دەمێ روی ددەن، ئەڤ پرۆژە دكتوری ب تنێ ئەنجام دابوو كو ئەوێن هاتینە وەرگرتن هەمی وەكو گرۆپ كار تێدا هاتیە كرن.
د رێورەسمێن خەلاتكرنێ دا كو هاریكارێ سەرۆكێ زانكۆیێ بۆ كاروبارێن زانستی د. سەباح ئیبراهیم وەیس یێ بەرهەڤ بوو، سەرۆكێ زانكۆیا دهۆك ئەڤ خەلاتە لێ پیرۆز كر و داخازا سەركەفتنێ بۆ د كارێ وی دا خاست و پەسنا پرۆژێ وی كر و گرنگیا ڤی پرۆژەی بۆ كوردستانێ، ژلایێ خۆڤە د. عبدالحمید عبداللە یاسین سوپاسیا زانكۆیا دهۆك كر بۆ ڤێ خەلاتكرنێ.