جڤاتا زانكۆیا دهۆك ل رۆژا 19/7/2017 سەرەدانا لقێ نەه یێ پارتی ل ئاكرێ دا و ژ لایێ بەرپرسێ لقێ بەرێز سەباح بەیتولا ڤە پێشوازی لێ هاتە كرن.
جڤاتا زانكۆیا دهۆك كو ژ سەرۆكێ زانكۆیێ پرۆفیسۆر د. مسلح دهۆكی و سێ هاریكارێن سەرۆكێ زانكۆیێ و راگرێن كۆلیژێن زانكۆیێ پێك دهێت، پیرۆزباهیا دەست ب كاربوونا (سەباح بەیتولا) كرن بۆ وەرگرتنا پوستێ بەرپرسێ لقێ ئاكرێ.
د روینشتنەكی دا بەرپرسێ لقێ نەه گۆت هاتنا جڤاتا زانكۆیا دهۆك بۆ دەڤەرا ئاكرێ هاندەرەكە بۆ پتر پێدانا گرنگیێ ب خواندنا بلند ل ڤێ دەڤەرێ، پشتەڤانیا خو ژی بۆ پتر بەرەف پێش برنا كەرتێ خواندنا بلند ل وێ دەڤەرێ دیاركر، چونكو سالانە دورێن 12 هزار قوتابیان ل هەردوو دەڤەرێن ئاكرێ و بەردەرەش ژ قووناغا ئامادەیی بەرەف قوناغا زانكۆیێ دچن, لەورا هەبوونا زانكۆیەكی ل ڤێ دەڤەرێ گرنگیەكا تایبەت یا هەی.
ژ لایێ خۆ ڤە سەرۆكێ زانكۆیا دهۆك پرۆفیسۆر د. مسلح دهۆكی دیاركر كو دانانا كۆلیژەكی ژ لایێ زانكۆیا دهۆك ڤە بۆ دەڤەرا ئاكرێ و دەڤەرێن دەوروبەر بنگەهێ زانكۆیەكێ یە ل وێ دەڤەرێ و پشتەڤانیا خۆ ژی بۆ دانانا زانكۆیەكی ل وێ دەڤەرێ دیاركر.