ل رۆژا 2/9/2021 سه‌رۆكێ زانكۆیا دهۆك، د. داود سلێمان ئه‌تروشی، و هاریكارێ سه‌رۆكێ زانكۆیێ، د. احمد محمد صالح، دەست ب سەردانا کۆلیژان کر و ل دەسپێکێ سه‌ردانا كۆلیژا په‌روه‌ردا بنیات كر، و كومبوونه‌ك دگه‌ل جڤاتا كۆلیژی ئه‌نجام دا.

ل ده‌سپێكێ راگرێ كۆلیژی، د. اسماعیل احمد سمو، رونكرنه‌ك دا سه‌ر بشكێن كۆلیژێ و په‌یوه‌ندیێن كۆلیژێ دگه‌ل زانكۆیێن ده‌رڤه‌ و پرۆژین د ڤان چار سالین بوری دا ئه‌نجام داین و پرۆژێن ل به‌ره‌ ئه‌نجام بده‌ن ل داهاتی، ودیاركر ئه‌و وه‌ك تیم كاردكه‌ن و دێ هه‌می هه‌ولێن خو ده‌ن دگه‌ل سه‌رۆكێ زانكۆیێ كار بكه‌ن بۆ سه‌ر ئخستنا پلانا نوی یا سه‌رۆكێ زانكۆیێ بۆ پێشڤه‌برنا ئاستێ زانكۆیێ.

سه‌رۆكێ زانكۆیێ د ڤێ روینشتنێ دا دیاركر كو كۆلیژا په‌روه‌ردا بنیات گرنگیه‌كا تایبه‌ت یا هه‌ی ژبه‌ر كاریگه‌ریا راسته‌وخو ل سه‌ر جڤاكی چونك ماموستا ژ ڤێ كۆلیژێ ده‌ردچن و ئه‌و ماموستانه‌ یێ جڤاكا ل هه‌می بیاڤان دا ئاڤا دكه‌ن.

ژلایه‌كێ دیڤه‌ سه‌رۆكێ زانكۆیێ دیاركر كو یا پێدڤیه‌ گرنگی ب كوالتیا خاندنێ بهێته‌ دان و ده‌رچوویه‌كێ خودان شیان و كاریگه‌ر پێشكێشی جڤاكی بكه‌ین، و ڤه‌كۆلینێن دهێنه‌ ئه‌نجامدان پێدڤیه‌ ئاریشێن جڤاكی چاره‌سه‌ر بكه‌ن و گرۆپێن ڤه‌كۆلینا ب تایبه‌تمه‌دیێن جودا بهێنه‌ چێكرن بۆ ده‌ستنیشانكرن و چاره‌سه‌ركرنا ئاریشان، هه‌روه‌سا پشكێن ڤێ كۆلیژێ هه‌ ئێك ل دویف تایبه‌تمه‌ندیا خو پێدڤیه‌ چاره‌سه‌ریا ئاریشێن تاكێ جڤاكی و جڤاكی ب گشتی بكه‌ن.