ل رۆژا 12/2/2019 زانكۆیا دهۆك و سەندیكا ئەكادیمیێن عیراقی یاداشتەكا لێك تێگەهشتنێ ل سەرۆكاتیا زانكۆیێ ئیمزا كرن.
سەرۆكێ زانكۆیا دهۆك پ. د. مصلح دهۆكی د رێورەسمێن ئیمزا كرنێ دا دیاركر كو ئیمزا كرنا یاداشتێ ژ بۆ ڤەكرنا سەنتەرەكێ هەماهەنگیێ یە ل زانكۆیا دهۆك ل گەل سەندیكا ئەكادیمیێن عیراقی كو ب رێكا زانكۆیا دهۆك پەیوەندی ل گەل زانكۆ و ناڤەندیێن ئەكادیمی یێن هەرێما كوردستانێ هەبیت.
نەقیبێ سەندیكا ئەكادیمیێن عیراقی د. مهند الهلالی دیاركر كو پشتی ل گەل زانكۆیا دهۆك كۆنفرانسەكێ نێڤدەولەتی ل دۆر فێركرنا سەردەمیانە ئەنجام دایی وان بریار دا كو پتر پەیوەندیان ل گەل زانكۆیا دهۆك بهێز بێخن و ب ڤەكرنا ڤی سەنتەری ژی دێ پتر یا هاریكار بیت بۆ ئەنجام دانا كارێن هەڤپشك ل دەڤەرێ، هەروەسا سوپاسنامەك پێشكێشی سەرۆكێ زانكۆیا دهۆك كر.
د رێورەسمێن ئیمزا كرنێ دا كو هاریكارێن سەرۆكێ زانكۆیا دهۆك بۆ كاروبارێن زانستی و خواندنا بلند د. لوقمان هادی، هەروەسا بۆ كاروبارێن كارگێری و دارایی د. ئەحمەد محەمەد سالح و راگرێ كۆلیژا پەروەردا بنیات و هاریكارێ راگری و رێڤەبەرا پەیوەندیێن زانكۆیێ ژی د بەرهەڤ بوون، سەرۆكێ زانكۆیا دهۆك سوپاسنامە پێشكێشی نەقیب و دەستەیا سەندیكا ئەكادیمیێن عیراقی كر.
ل رۆژێن 11 و 12 ی شوباتێ ژی كۆلیژا پەروەردا بنیات ل زانكۆیا دهۆك ل گەل سەندیكا ئەكادیمیێن عیراقی كۆنفرانسەكێ نێڤدەولەتی ل ژێر درووشمێ (زانستێن مرۆڤایەتی و پەتی دیتنەك بۆ فێركرنا سەردەمیانە) ل زانكۆیا دهۆك گێرابوو.