سەرۆكاتیا زانكۆیا دهۆك ئەڤرۆ 25/4/2016 سمینارەك بۆ د. محەمەد سالح جومعە شیرەتكارێ سەرۆكێ هەرێما كوردستانێ، ل دۆر (رەوشا ئەڤرۆ یا هەرێما كوردستانێ) ل ناڤەندا قوتابیان ل زانكۆیا دهۆك ئەنجام دا.
د ڤێ سمینارێ دا كو سەرۆكێ زانكۆیا دهۆك پرۆفیسۆر د. مسلح دهۆكی و هاریكارێن سەرۆكێ زانكۆیێ و راگر و چەند مامۆستا و قوتابیێن زانكۆیێ پیشكدار ببوون، د. محەمەد سالح ب تێروتەسەلی بەحسێ رەوشا ئەڤرۆ یا سیاسی یا ناڤخۆی و دەرڤە یا هەرێما كوردستانێ ژ لایێ پارتێن كوردستانی و وەلاتێن دەروروبەر و زلهێزێن جیهانی كر.
د پشكەكا سمینارا خۆ دا د. محەمەد سالح بەحسێ سەربەخۆیا هەرێما كوردستانێ و بەرەف دەولەت بوونێ كر و دیاركر كو هێزێن كوردستانی ل سەر دو بەرەیان دابەش بووینە كو هندەك هێزێن كوردستانی ل گەل سەربەخویا هەرێما كوردستانێ و پشتەڤانیا پرۆژێ دەولەت بوونێ دكەن، ل هەمبەری وان ژی بەرەیێ دیتر نە ل گەل دەولەت بوونێ یە.