رێککەفتنەکا زانستێ بۆ پێشڤەبرنا پرۆگرامێن پەرستاری هاتە واژوکرن
Sept. 18, 2021, 8:07 p.m.

ل رۆژا ١٨/٩/٢٠٢١ زانکۆیا دهۆک، و زانکۆیا پۆلیتەکنیک دهۆک، و رێڤەبەریا گشتێ یا ساخلەمیا پارێزگەها دهۆکێ، رێککەفتنەکا زانستێ بۆ پێشڤەبرنا پرۆگرامێن خواندنێ ل کۆلیژە و پەیمانگەهێن پەرستاری، دگەل زانکۆیا سارساری یا ئیتالی برێکا رێکخراوا ئایسپۆ واژوکر.

د.لوقمان هادی، هاریکارێ سەرۆکێ زانکۆیا دهۆک بۆ کاروبارێن زانستی، دکۆنگرەکێ رۆژنامەڤانی دا ل دۆر ڤێ رێککەفتنا زانستی گۆت" ئەڤ رێککەفتنە دێ بیتە ئەگەرەک بۆ پێشڤەبرنا پرۆگرامێن خواندنێ ل کۆلیژا پەرستاری و پێشخستا شێوێ کارێ پراکتیکی بۆ پتر خزمەتکرنا نەخۆشان و سۆپاسیا لایەنێن پشکدار د ڤێ رێکەفتنێ دا دکەم بو ڤێ هەماهەنگی یا باش".

ئەڤ رێکەفتنە دێ بۆ ماوێ سێ سالان یا بەردەوام بیت.