پێدڤیێن كۆلیژا پەروەردا بنیات ـ ئامێدیێ‌ ژلایێ‌ سەخبیریا ئاڤاهیان ڤە دێ‌ هێنە چارەكرن
يونيو 25, 2019, 2:09 م

ل رۆژا 24/6/2019 رێڤەبەرێ‌ ئەندازە و پرۆژان ل زانكۆیا دهۆك ئەندازیار حاجی ئیسماعیل دگەل شاندەكی ژ سەرۆكاتیا زانكۆیێ‌ سەرەدانا كۆلیژا پەروەردا بنیات ـ ئامێدیێ‌ كرن و دگەل راگرێ‌ كۆلیژێ‌ د. كەرەڤان ئامێدی بەحسێ‌ كێماسیێن كۆلیژێ‌ ژلایێ‌ ئاڤاهیان ڤە كرن.

د وێ‌ سەرەدانێ‌ دا هەروەسا بەحسێ‌ وێ‌ چەندێ‌ ژی هاتە كرن كو بریارە ل سالا نوی یا خواندنێ‌ پشكا زانستەكان ل كۆلیژا پەروەردا بنیات ـ ئامێدیێ‌ بهێتە ڤەكرن و ژبەر ڤێ‌ چەندێ‌ دێ‌ پێدڤی ب پتر هۆلێن خواندنێ‌ بن و راگرێ‌ كۆلیژێ‌ دیاركر كو ب ئاڤاكرنا چار هۆلێن خواندنێ‌ دێ‌ د شیاندا بیت بۆ سالا نوی قوتابی ل وێ‌ پشكێ‌ بهێنە ڤەكرن.

رێڤەبەرێ‌ ئەندازە و پرۆژان بەحسێ‌ وێ‌ چەندێ‌ كر كو ئەو ئاڤاهیێن پێدڤی ب سەخبێری كرنێ‌ هەبیت دێ‌ بۆ هێنە سەخبیر كرن چونكو ئاڤاهیێن كۆلیژا پەروەردا بنیات ـ ئامێدیێ‌ د كەڤنن و بەردەوام دڤێت بهێنە سەخبیر كرن دا د گونجایی بن بۆ كۆلیژێ