زانكۆیا دهۆك و زانكۆیا پۆتسدام یا ئه‌لمانی روینشتنه‌ك ل دۆر پێكڤه‌ ژیانێ ل رۆژا 20/9/2021 ل سه‌نته‌رێ ره‌وشه‌نبیری و جڤاكی یێ زانكۆیێ ئه‌نجام دان.

د په‌یڤه‌كێ دا د. ئه‌حمه‌د محمد صالح، هاریكارێ سه‌رۆكێ زانكۆیێ بۆ كاروبارێن كارگێری و دارایی كورتیه‌ك دا ل سه‌ر زانكۆیا دهۆك و كۆلیژه‌ و رێڤه‌به‌ری و سه‌نته‌رێن سه‌ر ب زانكۆیێ ڤه‌ و چالاكیێن ئه‌نجام دده‌ن، و په‌یوه‌ندیێن زانكۆیێ دگه‌ل زانكۆیێن جیهانی و بتایبه‌ت یێن ئه‌لمانی، و كارێ هه‌ڤپشك ئه‌وێ زانكۆیا دهۆك و زانكۆیا پۆتسدام یا ئه‌لمانی ئه‌نجام دای.

ل دۆر ڤێ روینشتنێ د. نه‌شوان شكری رێڤه‌به‌رێ سه‌نته‌رێ بێشكچی دیاركر، مه‌ پرۆژه‌كێ هه‌پشكێ هه‌ی وه‌كو سه‌نته‌رێ بێشكچی و سه‌نته‌رێ جینوسایدێ یێن زانكۆیا دهۆك دگه‌ل زانكۆیا پۆتسدام، ئه‌ڤرۆ ئه‌و ل ده‌ف مه‌ ئاماده‌بوون بو ماوێ چار رۆژا دێ ل ڤێرێ مینن، دڤێ رونشتنێ دا سمیناره‌ك ل دور پێكڤه‌ ژیانێ ل هه‌رێما كوردستانێ هاته‌ پێشكێشكرن.

رێڤه‌به‌رێ سه‌نته‌رێ بێشكچی ئه‌وژی گۆت" هه‌ر دڤێ رونشتنێ دا دێ په‌رتوكا جینوسایدا ئێزدیان (فه‌رمان 74) ئه‌وا ژلایێ زانكۆیا پۆتسدام هاتیه‌ چاپكرن ب زمانێ ئه‌لمانی كو به‌ری نوكه‌ ژلایێ مه‌ ڤه‌ هاتبوو چاپكرن ئه‌و په‌رتوكه‌ لێ هنده‌ك بابه‌تێ زانستی تێدا هاتینه‌ زێده‌كرن ب زمانێ ئه‌لمانی".