وەزارەتا خواندنا بلند گۆڤارێن زانستیێن هەرێما کوردستانێ د مالپەرەکی دا کۆمدکەت
Aug. 24, 2022, 8:52 a.m.

ئەنجومەنێ بلندێ ڤەکۆلینان ل وەزارەتا خواندنا بلند و ڤەکۆلینێن زانستی، ب مەرەما گەشەپێدان و بلندکرنا کوالێتیا ڤەکۆلینێن زانستی ل کوردستانێ، گۆڤارێن زانستیێن زانکۆیێن هەرێما کوردستانێ د مالپەرەکی دا کۆمدکەت. ئارمانج ژ ڤێ پێنگاڤێ ئاسانکرنە بۆ مامۆستا و ڤەکۆلەران ب مەرەما دەستکەڤتنا وان ڤەکۆلینێن زاستی یێن د ڤان گۆڤاران دا بەلاڤدبن.

د ڤی مالپەری دا، هەمی گۆڤار لدویڤ پیتا زانکۆیان و جۆرێ بابەتی هاتینە رێزکرن و بەلاڤکرن. هەروەسا هەرسێ زمانێن کوردی، عەرەبی، ئینگلیزی، د سەردێرێن پەیجان د مالپەری دا بەردەستن. د لێگەریانێ دا، ب نڤیسنا پەیڤێن کلیلKeywords ب کێمترین دەم دشێی ڤەکۆلینان پەیدابکەی.

مالپەرێ گۆڤارێن زانستیێن هەرێما کوردستانێ ب رێکا لینکێ ل خوارێ بۆ ڤەکۆلەر و مامۆستایان بەردەستە کو گۆڤارێن زانستیێن هەرێما کوردستانێ تێدا هاتینە کۆمکرن:

www.kasj.krd