ل زانكۆیا دهۆك گەرا شەشێ‌ یا خولا راهێنانێن پێداگۆجی بدووماهی هات
ديسمبر 16, 2021, 7:53 م

ل رۆژا 16/12/2021 ل سەنتەری رەوشەنبیری و جڤاكی ل زانكۆیا دهۆك ب ئامادەبوونا سەرۆكێ‌ زانكۆیا دهۆك، د. داود سلێمان ئەتروشی، و هاریكارێ‌ سەرۆكێ‌ زانكۆیێ‌ بۆ كاروبارێن زانستی و خاندنا بلند، د. لقمان هادی حسن، رێورەسمێن ب دووماهی هاتنا خولا راهێنانێن پێداگۆجی و بەلاڤكرنا باوەرنامان هاتنە گێران.

رێڤەبەرێ‌ سەنتەرێ‌ راهێنانا پێداگۆجی و پەرەپێدانێن ئەكادیمی ل زانكۆیا دهۆك محمد جمیل گۆت دڤێ‌ خولێ‌ دا 35 مامۆستا ب سەركەفتیانە دەرچوون، كو بۆ ماوێ‌ شەش هەیڤان یا بەردەوام بوو، پشكدارێن خولێ‌ هەمی مامۆستایێن زانكۆیا دهۆك بوون، هەروەسا یێن پەروەردێ‌ ژی تێدا د پشكداربوون، دیار ژی كر كو ئەڤ خولە دێ‌ هەر د بەردەوام بن.

سەرۆكێ‌ زانكۆیا دهۆك، د. داود سلێمان ئەتروشی، د پەیڤەكی دا گۆت ڤەكرنا ڤی پرۆژەی یێ‌ سەركەفتی بوویە، و پێدڤیە مامۆستایێن زانكۆیێ‌ بەردەوام رۆژانە لێگەریانێ‌ ل سەر بابەتێن خۆ بكەن ژبۆ بلندكرنا ئاستێ‌ خۆ یێ‌ وانە بێژیێ‌، رۆژانە دونیا یا دهێتە گهورین، ژبەر هندێ‌ پێداگۆجی بخۆ یا دگوهورینێ‌ دا لەوا شێوازی فێركرنا قوتابی دهێتە گوهارتن.

هاریكارێ‌ سەرۆكێ‌ زانكۆیێ‌ بۆ كاروبارێن زانستی، د. لقمان هادی، گۆت پێداگۆجی وەك بنەمایەكی مەیێ‌ دانای كو وەزارەتێ‌ هاتیە و زانكۆیێ‌ ژی پەرەپێدایە كو ببیتە ئێك ژ مەرجێن وەرگرتنا ناسناڤێ‌ زانستی لەوما پشتی دەرچوونا ڤێ‌ خولێ‌ وەرگرتنا ناسناڤێ‌ زانستی گرنگی پێ بهێتە دان و بهێتە جێبەجێ‌ كرن لەوما ئەڤ خولە دێ‌ دبەردەوام بن و دەلیڤە بۆ ماموستایێن دیتر ژی پەیدا ببیت.