ب بەرهەڤبوونا سەرۆكێ زانكۆیا دهۆك (پ.د. مصلح محەمەدسەعید دهۆكی) و ه. سەرۆكێ زانكۆیێ بۆ كارۆبارێن كارگێری و دارایی (د. حەجی موسا) و مامۆستا و قۆتابیێن زانكۆیێ، نڤیسینگەها مافی مرۆڤ ب هەماهەنگی دگەل كولیژا كارگێری و ئابۆری ل زانكۆیا دهۆك و رێكخراوا سیوان رۆژا جیهانیا مافێ مرۆڤ لژێر ناڤێ (هەلسە و داكوكی ل مرۆڤان بكە) ل هولا ئازادی ل كولیژا كارگیری و ئابوری ساخكر.
پەیڤا زانكۆیێ ژلایێ د.حەجی موسا، ه.سەرۆكێ زانكۆیا دهۆك بۆ كارۆبارێن كارگیری و ئابوری ڤە هاتە خواندن و گۆت:" ساخكرنا رۆژا جیهانیا مرۆڤان گرنگیا خۆ هەیە ژبۆ گەهاندنا دەنگی ئاشتیێ بۆ جیهانێ، ژبەر هندێ دڤێ رۆژێدا چەندین چالاكی هاتینە ئەنجامدان وەك رێزگرتن ل مافێ مرۆڤی".
لگۆر دیرۆكێ چ جاران تاكێ كورد ب مافێن خۆ شاد نەبوویە وەك د. حەجی موسا یێ خویار كری:" ژ ئەگەرێ وان حكومەتێن ل عیراقێ یێن شوفینی و دكتاتور و تا نوكە ژی لسەر وان هزر و بیران رەفتار دكەن، راگەهاندنا مافێ مرۆڤی پشتی شەرێ دوویێ جیهانێ ژبۆ ساخكرنا برینێن زولم لێكریان و وێرانێن رووداین ژلایەكی و ژلایەكێ دیتر بهایی بدەنە مرۆڤی و مافێن وی و ئێدی مرۆڤ نەبیتە قوربانی شەرێن پەرژەوەندیان و دژی مرۆڤایەتیێ هاتبوو بەلاڤكرن، بەلێ ب مخابنی ڤە تا نوكە ژی هزرێن خوین مێژتنێ هەیە، ژبەر هندی نابیت مللەتێ كورد راستی چ دوژمنان بیت و هەمی مافێن وان یێن دەولی و هەریمی بهێنە پاراستن".
زیتو سیانی، بەربرسێ كەفنێ مافێ مرۆڤ یێ نەتەوەیێن ئێكگرتی/ نڤیسینگەها هەولێر دسمینارەكا ئەكادیمی دا بەحس ل گرنگیا راگەهاندنا جیهانیا مافی مرۆڤی و رۆلێ قۆتابیان ددەزگەهێن زانستی دا بۆ هوشیاركرن و بەرەڤانیكرنێ ژ كێشەیێن مافی مرۆڤ كر.
راگەهاندنا زانكۆیا دهۆك: هەلز عەلی سەلیم