لدویڤ نڤیسارا وەزارەتا خواندنا بلند و ڤەکولینێن زانستی/ فەرمانگەها توێژینەوە و پەرەپێدان ژمارە (9/16240) ل ) 13/11/2018)، سەبارەت ڤەکرنا خواندنا بلند)دبلوما بلند ئێک سالی یا پیشەیی بۆ سالا خۆاندنێ 2018-2019) ل کولیژا (زانستێن تەندروستی / بەشێ زانستی لابۆری پزیشکی) بۆ هەمی پێشکێشکارێن دەرڤەی دام و دەزگەهێن سەر ب وەزارەتا خواندنا بلند و ڤەکولینێن زانستی ، پێشکێشکارێن دامەزراندی و نەدامەزراندی ل دام و دەزگەهێن حکومەتا هەرێمێ ، ئــاگەهداریا هەوە یێن بەرێز دکەین لدور راگەهاندنا (18) کورسیێن دبلوما بلند یا ئێک سالی یا پیشەیی بۆ سالا خواندنێ (2018-2019) ،هـەر كەسەكێ حــەز بكـەت بــلا داخــوازیـا خـۆ پێشكێش بكــەت ل کولیژا ناڤبری ل زانکۆیا دهۆک لدویڤ مــەرج و بەلگەنامێـن ل خۆارێ دیاركری و هـەر ژ رۆژا ئێک شەمبی رێکەفتی (2/12/2018) دوماهیک ژڤان بۆ پێشکێش کرنێ رۆژا پێنج شەمبی یە رێکەفتی (13/12/2018) و ئەزموونا پراکتیکی رۆژا دووشەمبی رێکەفتی (17/12/2018) دێ هێته ئەنجام دان، بۆ زانین و یا پێدڤی.
هەڤپێچ:
- نڤیسارا وەزارەتا خواندنا بلند و ڤەکولینێن زانستی ژمارە (9/16240) ل ) 13/11/2018).
- مەرج ،پێدڤیێن پێشکێش کرنێ، تێبینێن گشتی.
- رێنمایێن ژمارە (4) یێن سالا (2018) یێن دبلوما بلند یا ئێک سالی پیشەیی.
مەرجێن وەرگرتنێ:
1- مەرجێ تێکرایی نمره (معدل ) بەکالوریۆس: -
مەرجە پێشکێشکار هەلگرێ یاوەرناما بکالوریوسێ بیت، هەر پێشکێشکارەک تێکرا نمرە (معدل) وی ژ (50%) بیت ماف هەیە پێشکێشی ڤێ جۆرە خواندنێ بکەت.
2- مەرجێ ئاستێ توانستی زمانێ ئینگلیزی: -
مەرجە باوەرناما توانستی زمانێ ئینگلیزی هەبیت و مەرجە باوەرنامە ژ ئێک ژ سەنتەرێن زمانی ل زانکۆیێن حکومی وەرگرت بیت ب مەرجەکی ژ (120) دەم ژمێران کێمتر نەبیت و سەرکەفتی بیت د خولێ دا یان (4) هەبیت ل تاقیکرنا (IELTS) یان (40) ل تاقیکرنا (TOEFL-iBT) یان (450) ژ تاقیکرنا (TOEF-PBT) یان (36) ژ تاقیکرنا (PTE).
3- مەرجێ دامەزراندنێ:-
مەرجە پێشکێشکار یێ دامەزراندی نەبیت لسەر میلاکێ وەزارەتا خواندنا بلند و ڤەکولینێن زانستی.
4- مەرجێ سالێن خزمەتێ :-
أ- بۆ پێشکێشکارێن دامەزراندی ( واتا فەرمانبەرێ هەمیشەی بیت ل ئێک ژ دام و دەزگەهێن حکومەتا هەرێما کوردستانێ مەرجە (2) دوو سالێن تمام خزمەتا فعلی هەبیت پشتی باوەرناما بکالوریوسێ ب دەستخۆفە ئینایی و یێ دامەزراندی بیت تا رێکەفتی دەستپێکرنا خواندنا بلند ، و پێچەوانە مافێ وەرگرتنا موولەتا خواندنێ نابیت.
ب- و ئەو داخازکەرێن دانەمەزراندی بن ل ئێک ژ دام و دەزگەهێن حکومەتا هەرێما کوردستانێ ، بێ هەبوونا مەرجی دوو سالێن دەرچوونێ پشتی و دەستڤەئینانا باوەرناما بکالوریوسێ مافێ پێشکێش کرنێ هەیە و پێدڤی یە سوزنامەکێ ل زانکۆیێ پێشکیش بکەن کو ل ج دام و دەزگەهێن میری نەهاتیه دامەزراندن.
5- مەرجێ تەمەنی :-
تەمەن مەرج نینه بۆ پێشکێشکرنێ ، چونکی پێشکێشکرن بۆ خواندنێ دێ ب شێوەیێ پارالێل بیت .
6-مەرجە ناڤەرۆکا رێنمایێن ژمارە (4) یێن سالا (2018) یێن دبلوما بلند یا ئێک سالی پیشەیی کو ب نڤیسارا وەزارەتێ یا ژمارە (7538) ل (11/6/2018) دەرکەتین ، بهێنه جێ بەجێ کرن.
7- پێشکێش کرن بۆ خواندنا بلند/ دبلوما بلند یائێک سالی پیشەیی بۆ سالا خواندنێ (2018-2019) ئەف خواندنه پیشەیی یه ب هیچ شێوەیەکی بکار نائیت بۆ مەبەستا بلندکرنا نمرا (رفع المعدل) و باوەرنامە یا پیشەیی یە نەک ئەکادیمیی.
8- خواندن دێ بو ماوێ (1) سال بیت (ژ بلی ماوەیێ زمانێ ئینگلیزی ئەگەر هەبوو).
پێدڤیێن پێشكێشكرنێ :
1. رەگەزناما بارێ شارستانی (جنسیە الاحوال المدنیە) (1) دانە (كوپیكری) .
2. رەگەزناما عێراقی (الجنسیە العراقیە) (1) دانە (كوپیكری) .
3. چوار (4) وێنە .
4. کورتیا خزمەتێ (خلاصە خدمە)
5. باوەرناما نمرێن دەرچوونێ (بەکالوریوس) یا رەسەن و كوپیكری.
6. باوەرناما دەرچوونێ ( بەکالوریوس) یا رەسەن و كوپیكری.
7. باوەرناما توانستی زمانێ ئینگلیزی و مەرجە ئێک ژ سەنتەرێن زمانی ل زانکۆیێن حکومی وەرگرت بیت ب مەرجەکی ژ (120) دەم ژمێران کێمتر نەبیت و سەرکەفتی بیت د خولێ دا یان (4) هەبیت ل تاقیکرنا (IELTS) یان (40) ل تاقیکرنا (TOEFL-iBT) یان (450) ژ تاقیکرنا (TOEF-PBT) یان (36) ژ تاقیکرنا (PTE).
8. پێتڤی یە لسەر پێشکێشکەری لارینەبوونەکێ (عدم ممانعە) ل وەزارەتا خو دابین بکەن ل دەمێ پێشکێشکرنێ.
9. پێتڤی یە لسەر پێشکێشکاری بەڵێننامەیەکێ ئێمزا بکەت ل رێڤەبەریا یاسا ل سەرۆکاتیا زانکۆیا دهۆک کو یێ ئامادەیە کریێا خواندنێ دابین بکەت هەر ژ دەستپێکرنا خواندنێ.
10. بو ئەو پێشکێشکارێن نە دامەزراندی، پێتڤی یە لسەر وان بەڵێننامەیەکێ ئێمزا بکەن ل رێڤەبەریا یاسا ل سەرۆکاتیا زانکۆیا دهۆک کو نە یێ دامەزراندی یی ل چ دام و دەزگەهێن میری و حکومی هەروەسا کو یێ ئامادەیە کریێا خواندنێ دابین بکەت هەر ژ دەستپێکرنا خواندنێ.
11. فورما پێشكێشكرنێ (ل کولیژا زانستێن تەندروستی/ بەشی زانستی لابوری پزیشکی) دێ هێنە پرکرن.
12. كوپیەك ژ مەرجێن وەرگرتنێ بهێتە ئیمزا كرن ژلایێ پێشکێشکەری ڤە دگەل داخوازیا وەرگرتنێ و فورما پێکێشکرنێ بهێتە لێكدان و دناڤ دووسییا قوتابی دا بیت.
13. هەر نەراستیەك ژ لایێ پێشکێشکەری ڤە بێتە دان دێ ناڤێ پێشکێشکەری هێتە رەش كرن و دێ دیڤچوونا یاسایی هەبیت.
تێبینیێن گشتی:
1- هەلگریێن باوەرناما بەکالوریوسێ ل گشت دام و دەزگەهێن حکومەتا هەرێمێ بۆیان هەیە پێشکێشی خواندنا بلند/ دبلوما بلند ئێک سالی پیشەیی بکەن (ژ بلی ئەوێن دامەزراندنی ل دام و دەزگەهێن وەزارەتا خواندنا بلند و ڤەکولینێن زانستی).
2- ئەزموونا زانستی دێ هیتە ئەنجام ل زانکۆیا دهۆک کولیژا زانستێن تەندروستی ل رۆژا دووشەمبی رێکەفتی (17/12/2018) ل دەمژمێر (9:00) نەهێ سپێدێ و ئەزموون دێ ژ (30%) و یێ پلا کێمتر ژ (15) وەربگریت مافێ بەشداریکرنی د پێشبرگێ نینه.
3- کرێیا خواندنێ بۆ هەر سالەکا خۆاندنێ دێ (4,000.000) چار ملیون دینارین ئیراقی بن، کو پێدڤی یە دگەل دەستپێکرنا خواندنێ بهێتە دابین کرن ژلایێ قوتابی ڤە.