شانده‌كێ‌ قونسلخانا ئه‌لمانی ل هه‌ولێرێ‌ سه‌ره‌دانا زانكۆیا دهۆك كر
Oct. 6, 2021, 1:52 p.m.

ل رۆژا 5/10/2021 شانده‌كێ‌ قونسلخانا ئه‌لمانی ل هه‌ولێرێ‌ ب سه‌رۆكاتیا، سڤێن موسلێر، چێگرێ‌ قونسلێ‌ گشتی، و دایانا بێك، سه‌رۆكا رێكخراوا GIZ سه‌ره‌دانا زانكۆیا دهۆك كر، و ژلایێ‌، د. ممو فرحان، هاریكارێ‌ راگرێ‌ په‌یمانگه‌ها چاره‌سه‌ریا ده‌روونی و چاره‌سه‌ریا تراومایێ‌ و، د. ره‌ند حه‌مودی، رێڤه‌به‌را په‌یوه‌ندیان ل زانكۆیێ‌ هاتنه‌ پێشوزای كرن.

 

هه‌ژی گۆتنێ‌ یه‌ په‌یمانگه‌ها چاره‌سه‌ریا ده‌روونی و چاره‌سه‌ریا تراومایێ‌ ل زانكۆیا دهۆك ب پشته‌ڤانیا وه‌لاتێ‌ ئه‌لمانیا هاتیه‌ دامه‌زراندن، و ل دۆر ڤێ‌ سه‌ره‌دانێ‌، د. ممو فرحان، هاریكارێ‌ راگرێ‌ په‌یمانگه‌هێ‌ گۆت "وه‌لاتێ‌ ئه‌لمانیا گه‌له‌ك گرنگیێ‌ دده‌ته‌ ڤێ‌ په‌یمانگه‌هێ‌ و ئه‌ڤ سه‌ره‌دانه‌ د ڤی چارچووڤه‌ی دابوو، دا ژ نێزیك بزانن كار چاوا برێڤه‌ دچیت و دێ‌ چاوا كاری پێشئێخین، و تو نوكه‌ چ كار هاتیه‌ كرن، هه‌روه‌سا كا چاوا كار دگه‌ل رێكخراوا  GIZ بریڤه‌دچیت، كو مه‌ كه‌له‌ك كار دگه‌ل ئێك ئه‌نجام داینه‌ بتایبه‌ت پشتی ده‌ستبكاربوونا كارمه‌ندا وان یا نوی كو ئه‌و كارێن نوی یێن دێ‌ هینه‌ ئه‌نجام دان هاتنه‌ به‌حسكرن".

 

د. ممو فرحان، هه‌روه‌سا دیاركر كو د كۆمبوونێ‌ دا دووپاتی ل سه‌ر پشته‌ڤانیا به‌رده‌وام یا كلینیكا (IPP) یا ئه‌لمانی بۆ چاره‌سه‌ریا ده‌روونی ل زانكۆیا دهۆك هاته‌ كرن، هه‌روه‌سا پشته‌ڤانیا تیما رێگرتنێ‌ ل خۆ كۆشتنێ‌ ل په‌یمانگه‌هێ‌ كر، كو ئه‌ڤ تیمه‌ كار دكه‌ت بۆ كیم كرنا دیاردێن خۆ كوشتنێ‌ ل ناڤ جڤاكی