Design fair at UoD conducted by students from Department of Architecture
Dec. 9, 2018, 7:07 p.m.

پەیمانگەها فەرەنسی ل هەرێما كوردستانێ‌ ب هەماهەنگی دگەل كولیژا ئەندازیاری ل زانكویا دهوك د رێورەسمەكی دا پێشبركیا ئەندازیارێن گەنج یێن تەلارسازی و باخچە و پاركان (AJAP) ل رۆژا 9/12/2018 ل ناڤەندا قوتابیان رێكخست.
د پەیڤەكی دا هاریكارێ‌ سەرۆكێ‌ زانكۆیا دهۆك بۆ كاروبارێن كارگێری و دارایی د. ئەحمەد محەمەد سالح خوشحالیا زانكۆیێ‌ ب ڤی كاری دەربری و دەست خۆشی ژی ل ستافێ‌ پەیمانگەها فەرەنسی كر بۆ ئەنجامدانا ڤی كاری ل زانكۆیا دهۆك، رێڤەبەرێ‌ پەیمانگەها فەرەنسی پول لیوندری د پەیڤەكی دا خوشحالیا خو دیاركر بۆ ڤی پرۆژەی و داخازا سەركەفتنێ‌ بۆ پشكداران خواست.
ئەڤ پێشبركیە ل وەلاتێ‌ فەرەنسا ژ لایێ‌ وەزارەتا رەوشەنبیری ڤە هەر دوسالان جارەكی دهێتە ئامادەكرن، مەبەست ژ ڤی پرۆژەی پێگەهاندن و بەهەمئینانا دیزاینەرێن گەنجە ئەوێن ژیێ‌ وان ل ژێر 35 سالیێ‌ دایە و دێ‌ ژلایێ‌ دەستەیەكا شارەزا د بیاڤێن جودادا هێنە هەلسەنگاندن.
دڤێ‌ پێشانگەهێ‌ دا 15 نەخشێن پرۆژێن تەلارسازی و پێنج نەخشێن پرۆژێن دیزاینا پارك و باخچان هاتنە نیشادان و هەتا 27/12/2018 دێ‌ یا بەردەوام بیت.