Central library suffers from the new attendance regulation
Sept. 6, 2016, 10:16 a.m.

راگەهاندنا زانگۆیێ‌: هەلز عەلی سەلیم

رێڤەبەرێ‌ پەرتۆكخانا ناڤەندی ل زانكۆیا دهوك، د.سالح محەمەد حەسەن گۆت: ل سالا 1996ێ‌ وەك پشكەك دناڤا زانكۆیێ‌ دا ئەڤ پەرتوكخانە هاتیە دامەزراندن تا سالا 2014ێ‌ بوویە رێڤەبەری ب ناڤێ‌ (پەرتۆكخانا ناڤەندی).

د.سالح محەمەد حەسەن گۆت ژی: لێ‌ گرنگە بهێتە دیاركرن كۆ كارێ‌ پەرتۆكخانا مەلبەندی دڤێت یا گشتی بیت، ئانكو هەموو پەرتۆكخانێن كولیژان و سەنتەران بخوەڤە بگریت، چونكە نوكە هەر كولیژەكێ‌ ژێدەرێن خوە هەنە، لەوا سیستەمێ‌ نوكە یێ‌ پەرتوكخانێ‌ نەیێ‌ ناڤەندی.

 ئەڤ رێڤەبەریە ب چوار پشكان پێك دهێت ئەو ژی (پشك كاگێری (یەكا خویەتی، یەكا كۆگەه، یەكا خزمەتگۆزاری)، پشكا پێرابونێن تەكنیكی (یەكا پێدانێ‌، یەكا پێرست و ڤاڤارتنێ‌، یەكا دیاریكرن و لێكگهۆرینێ‌)، پشكا سیستەمێ‌ ئەلكترونی، پشكا خزمەتێن پێزانینان (یەكاخوەزەریی، لێڤەگەرا، چاپكرنێن un، چاپكرنێن میری، نامێن زانكۆیێ‌، بهیستن و بینین، دەستنڤیسا، هۆلا پەرتوكێن كوردی، هۆلا پەرتوكێن عەرەبی، هۆلا پەرتوكێن ئینگلیزی، هۆلا پەرتوكێن بریتانی، هۆلا خۆاندنێ‌ و چوار هۆلێن خۆاندنا تایبەت)) وەكی رێڤەبەرێ‌ پەرتۆكخانا ناڤەندی گۆتی. 

د.سالح محەمەد حەسەن گۆت: مە 28 فەرمانبەرێن دامەزراندی و 15 یێن گرێبەست هەنە، ژ فەرمانبەرێن دامەزراندی 7 ژوان زێرەڤان و كریار و پاقژكەرن و هندەك بێهنڤەدانێن بێ‌ مووچەنە.

دكتوری ئاماژە بوێ‌ چەندێ‌ كر، كۆ كێمكرنا دەوامێ‌ و قەیرانا دارایی لاوازی ئێخستیە كارێ‌ مە و ب تایبەت ئەڤە دەوام ب فەرمی ل زانكۆیێ‌ ڤەبوو و پرێڤەبرنا كاری پێدڤی ب فەرمانبەرا هەیە داكو پتر خزمەتا مامۆستا و قوتابیێن زانكۆیێ‌ بكەین.