ئەڤرۆ رێکەڤتی ٩ـی تەباخا ٢٠٢٢ـێ و ل سەرۆکاتیا زانکۆیا دهۆک، د. داود سلێمان ئەتروشی سەرۆکێ زانکۆیا دهۆک، ب ئامادەبوونا هاریکارێ سەرۆکێ زانکۆیێ د. لوقمان هادی حەسەن، دگەل راگر و سەرۆک پشکێن کولیژا پەروەردا بنیات-دهۆک کۆمبوو.
د ڤێ کۆمبوونێ دا دانوستاندنێن تێروتەسەل لدۆر چەوانیا پتر پێشڤەبرنا ئاستێ زانستی و پێشئێخستنا پروگرامێن خواندنێ ژ لایێ سەرۆکێ زانکۆیێ و هاریکارێ سەرۆکێ زانکۆیێ و راگر و سەرۆک پشکێن کولیژا ناڤبری هاتنەکرن. ئەڤە ژی ب مەرەما بەرهەمئینانا مامۆستایەکێ دەستهەل و خودان زانین و شیان و شارەزایی بۆ پتر خزمەتکرنا کەرتێ پەروەردێ.
د. داود ئەتروشی، د کۆمبوونێ دا دوپاتی ل سەر باشترکرنا ئاستێ زانستی و پێشخستنا پروگرامێن خواندنێ کر و دیارکر "گەلەکا گرنگە سەرۆک پشک و مامۆستایێن کولیژێ پەیوەندیان دگەل زانکۆیێن دەرڤە و دروستبکەن ب مەرەما مفا وەرگرتنێ ژ سەربۆر و پروگرامێن وان زانکۆیان بۆ کولیژا پەروەردا بنیات".
هەروەسا سەرۆکێ زانکۆیێ گۆت ژی "هیڤیخوازم کولیژا پەروەردا بنیات ببیتە نموونا کولیژێن سەرکەڤتی، زانکۆ و کولیژێن دی مفای ژ پروگرام و سەربۆرێن وان وەربگرن".
د کۆمبونێ دا، راگر و سەرۆک پشکێن کولیژا پەروەردا بنیات چەندین پێشنیار و رێکێن پێشخستنا کولیژا ناڤبری بۆ سەرۆکێ زانکویێ دیارکرن، ژ وان ژی؛ گرنگیدانا زێدەتر ب وانەیێن پراکتیکی بۆ پێشئێخستنا ئاستێ قوتابیێن کولیژێ و بکارئینانا رێکێن جودا بۆ پتر پێشخستنا ئاستێ مامۆستایان.