ل رۆژا 22/6/2020 شاندەكێ قوتابخانا (CADMUS) یا نێڤدەولەتی یا تایبەت ل دهۆكێ سەرەدانا زانكۆیا دهۆك كر و ژلایێ هاریكارێ سەرۆكێ زانكۆیا دهۆك بۆ كاروبارێن كارگێری و دارایی د. ئەحمەد محەمەد سالح پێشوازی لێ هاتە كرن.
د روینشتنەكی دا دلین مزیری رێڤەبەرا قوتابخانێ ئارمانجا سەرەدانا خۆ بۆ زانكۆیا دهۆك دیاركر كو ژ پێخەمەت دانەنیاسینا قوتابخانا نێڤدەولەتی یا (CADMUS) یێ یە و هەروەسا چێكرنا پەیوەندیایە دگەل ناڤەندێن ئەكادیمی ل دەڤەرێ كو بۆ سالا سیێ یە قوتابی وەرگرتین، دیار ژی كر كو وان ل بەرە بتنێ دەرچوویێن زانكۆیا دهۆك چاڤپێكەفتنا دگەل بكەن و ئەو بسپۆریێن ئەو پێدڤی ل دویف ستانداردێن وان وەربگرن وەكو مامۆستا ل ڤێ قوتابخانا نێڤدەولەتی بۆ سالێن داهاتی پشتی قوتابخانە پتر بەرفرەه دبیت.
ژلایێ خوڤە هاریكارێ سەرۆكێ زانكۆیا دهۆك بۆ كاروبارێن كارگێری و دارایی د. ئەحمەد محەمەد سالح بەرهەڤیا خۆ دیاركر بۆ هەر هاریكاریەكا پێدڤی ژلایێ زانستی ڤە و دێ قوتابیێن زانكۆیێ دێ مفایی ژێ وەرگرن بۆ مەشقا هاڤینی بۆ سالێن داهاتی.