پەرتۆكخانا ناڤەندی پێشانگەهەكا پەرتۆكان ڤەكر.
فبراير 6, 2018, 10:01 م

پەرتۆكخانا ناڤەندی ل زانكۆیا دهۆك ب هەڤكاریا پەرتۆكخانا گازی پێشانگەهەكا پەرتۆكان ڤەكر، هونەر عەبدالسلام، نوونەرێ‌ پەرتۆكخانا گازی گۆت:" ئەڤ پیشانگەهە ب 500 پەرتۆكێن جورە و جورە ب هەر سێ‌ زمانێن (كوردی- ئینگلیزی- عەرەبی) پێك دئێت".
نوونەرێ‌ پەرتۆكخانا گازی بەحسكر، تا رادەكی قۆتابی ناگەهێن هەر دەم بهێنە بازاری، ژبەر هندێ‌ مە پێشانگەه دناڤ كەمپا زانكۆیێ‌ دا ڤەكر داكۆ بۆ قۆتابیان نیزیكتر لێ‌ بهێت و دەلیڤەكا باشتر هەبیت بۆ خواندن و كرینا پەرتۆكان.
هونەر عەبدالسلام ئاماژە دا:" ئەڤ پەرتوكە رێژا 15% داشكاندن بۆ قۆتابیان هەیە و دشێن هەر پەرتۆكەكێ‌ داخواز بكەن و مە هەبیت بۆ دابین بكەین".
راگەهاندنا زانكۆیا دهۆك: هەلز عەلی سەلیم