ل زانكۆیا دهۆك وێنێ‌ بارزانیێ‌ نەمر هاتە ڤەكرن

ل رێكەفتی 16/6/2021 ب ئامادەبونا پروفیسۆر دكتور مصلح دهۆكێ‌ وهژمارەكا راگر وماموستایێن زانكۆیا دهۆك، پشكا چالاكیان ل ناڤەندا قوتابیان ل زانكۆیا دهۆك پەردە هاتە لادان ل سەر تابلۆیەكێ‌ بارزانیێ‌ نەمر ل سەر دیوارێ‌ ئاڤاهیێ‌ ناڤەندا قوتابیان هاتیە دروست كرن ب شێوێ‌ وێنەكێشان.
خەتاب ئەرتوشی بەرپرسێ‌ پشكا چلاكیان ل ناڤەندا قوتابیان گوت" ئەڤە بو ماوێ‌ سالەكێ‌ قوتابی هاشم شاجی كو قوتابیێ پشكا هونەرێ‌ شێوەكاریە ل كولیژا زانستێن مروڤایەتی زانكۆیا دهۆك، مژویلی دروستكرنا وێنێ‌ هێما وسومبۆلا مللەتێ‌ كورد بارزانیێ‌ نەمر بشێوێ‌ وێنەكێشان ل سەر دیوارێ‌ ناڤەندا قوتابیان بوو.
بەرپرسێ‌ پشكا چالاكیان ل ناڤەندا قوتابیان ئەوژی گووت" مەرەم ژ دروست كرنا تابلوی ئەوە هەر كەسەك سەرەدانا ناڤەندێ‌ بكەت دێ‌ ڤی تابلۆی دا سومبولا مللەتێ‌ كورد بینیت، ئەوژی وێنێ‌ بارزانیێ‌ نەمر ولایەكی دی یێ‌ تابلۆی ئالایێ‌ پیروزێ‌ كوردستانێ‌ یە دیسان سروشتێ‌ كوردستانێ‌ یێ‌ جوان هەر دڤی تابلۆیی دا دهێتە دیتن و جلوبەرگێن بارزانیێ‌ نەمر جلوبورگێن رەسەنێ‌ كوردی نە.