هژمارا خواندنا: 1338 | دوماهيك گوهارتن: 2012-05-03 03:55:43 | 
|
|
2012-04-30
راگرێن فاکولتى و کولیژێن چاندنێ یێن کوردستانێ وعیراقێ بۆ ئێکەم جار ل زانکۆیا دهۆک کومبونا خو یا خولەکى ئەنجام دا
راگرێن فاکولتى و کولێژێن چاندنێ یێن هەمى زانکویێن عیراقێ بمەرەما ئەنجام دانا ڤەکولینێن زانستى یێن هەڤ پشک و لێک گوهرینا زانستى بو ئێکەمین جار کومبونا خو یا خولەکى ل فاکولتیا چاندن و دارستنێ ل زانکۆیا دهۆک ئەنجامدان .
راگرێ فاکولتیا چاندن ودارستانێ ل زانکۆیا دهۆک د. موفق سلێمان دیارکر مەرەما سەرەکى ژ ڤێ کومبونێ ئەوە کو " گەنگەشەکرنا ڤەکولینێن زانستى یێن چاندنێ و دانانا پروگرامێن خواندنێ یێن ئێک گرتى بو هەمى فاکولتى و کولیژێن چاندنێ ل زانکۆیێن کوردستانێ و عیراقێ بهێنە دانان"
د. موفق سلیمان دیار کو رۆژانە دوو رونشتنێن زانستى دهێنە ئەنجامدان، دیسان دکتورى گوت " د کومبونێ دا ئاریشێن ڤەگوهاستنا قوتابیان هاتە بەحس کرن ژبو دیتنا چارەسەریەکێ، هەروەسا لێک نزیک کرنا بوچون و بریارێن وەزارەتا خواندنێ ل بەغدا و هەولێرێ ".
راگرێ فاکولتیا چاندن ودارستانێ دیارکر کو سالانە چار کومبونێن خولەکى یێن راگرێن فاکولتى وکولیژێن چاندنێ یێن کوردستانێ وعیراقێ دێ ئەنجامدان و د هەر کومبونەکێ دا چەندین بریار ورساپاردە دهێنە راگەهاندن ود ڤان کومبونێن زانستى دا پێداچونەکا زانستى ل سەر ئاریشێن کەرتێ چاندنێ دهێنە کرن ژبو دیتنا چارە سەریێن زانستى بو ڤان ئاریشان".
کومبون ل فاکولتیا چاندن ودارستان ل زانکۆیا دهۆک هاتنە گێران و( 17 ) راگر ونوینەرێن وەزارەتا خواندنا بلند ل بەغدا و هەرێما کوردستانێ تێدا بەشدار بوون.
