ل ٢٩ـێ نیسانا ٢٠٢٤ـێ، شاندەکێ زانکۆیا دهۆک کو پێکدهێت ژ د. لوقمان هادى، هاریکارێ سەرۆکێ زانکۆیێ بۆ کاروبارێن زانستى و خواندنا بلند، د.دلدار حاجى موسا، راگرێ کۆلیژا پزیشکى، د. محەمەد عەزیز، راگرێ کۆلیژا زانست، سەرەدانا زانکۆیا شاریقە ل وەلاتێ ئیماراتێ کر و ژ لایێ سەرۆکێ ئەوێ زانکۆیێ ڤە هاتنە پێشوازیکرن.

د چارچۆڤێ سەرەدانا شاندێ زانکۆیا دهۆک بۆ زانکۆیا شاریقە، د. لوقمان هادى ل گەل پ. یوسف ئەلحایک جێگرێ شیرەتکاریا ئەکاديمی ل زانکۆیا شاریقە و راگرێ کۆلیژا ئەندازیاری كۆمبوو، و راگرێ كۆلیژا زانست ل زانكۆیا دهۆك، ل گەل پ. نەوار، راگرێ کۆلیژا زانست ل زانکۆیا شاریقە کۆمبوو، هەروەسا د.دلدار حاجى، راگرێ كۆلیژا پزیشكی ل گەل د. قوتەیبە، جێگرێ شیرەتکاریا كۆلیژێن پزیشكی و راگرێ کۆلیژێن پزیشکى ل زانکۆیا شاریقە کۆمبوو.

د کۆمبوونێن شاندێ زانکۆیا دهۆک ئەنجامداین زێدەتر دووپات ل هاریکاریا زانکۆیا شاریقە بۆ زانکۆیا دهۆک هاتە کرن بۆ پشکداریکرن د ڤەکۆلینان دا و دەلیڤەیێن خواندنێ بۆ قوتابیێن زانکۆیا دهۆك کو حەزا خواندنێ هەی ل دەرڤەی وەلاتی بەردەست بکەن، د ئەوێ سەرەدانێ دا زانکۆیا دهۆک ژ لایێ زانکۆیا شاریقە ڤە هاتە خەلاتکرن. هەروەسا د. لوقمان هادى خەلاتەک پێشکێشى سەرۆکێ زانکۆیا شاریقە کر.

هەروەسا د ئەڤێ سەرەدانێ دا، شاندێ زانکۆیا دهۆک سەرەدانا هەمى پشکێن زانکۆیا شاریقە و تاقیگەهێن ناڤەندی و پەرتووكخانە و ناڤەندێن وەرزشی یێن زانکۆیێ کر.

دیسان، دهێتە زانین کو شاندێ زانکۆیا دهۆک د سەرەدانا خۆ دا بۆ وەلاتێ ئیماراتێ سەرەدانا زانکۆیا خورفەکان و زانکۆیا دوبەى ژی کر، سەرۆکێ زانکۆیا شاریقە و سەرۆکێ زانکۆیا خورفەکان و راگرێ کۆلیژێن پزیشکى ل زانکۆیا شاریقە وەلاتیێن عیراقی بوون.

بۆ دیتنا وێنەیا لینکێ ل خوارێ کلیک بکە:

https://drive.google.com/drive/folders/1S70zqPyF0irLP5-UnNgngWGiEYyxagam?usp=sharing

راگەهاندنا زانکۆیا دهۆك